Gawad KWF sa Sanaysay 2017

1. Ang Gawad KWF sa Sanaysay ay bukás sa lahat maliban sa mga kawani ng KWF at kanilang kaanak.
2. Ang paksa ng sanaysay ay maaaring pagtalakay ng konsepto o resulta ng saliksik sa larang na humanidades, agham-pangkalikasan, agham panlipunan, matematika, o mga katulad.
3. Kailangang nasusulat sa Filipino ang lahok, orihinal, hindi pa nailalathala, at hindi rin salin mula sa ibang wika. Marapat na hindi ito magkukulang sa 15 pahina at hindi rin sosobra sa 30.
4. Bilang saliksik, kailangang sumusunod ang paraan ng pagsulat nito sa mga tuntuning nakasaad sa KWF Manwal sa Masinop na Pagsulat.
5. Ang lahok ay kailangang may apat (4) na kopyang makinilyado o kompiyuterisado (Font-12, Arial), may dobleng espasyo, at may isang pulgadang palugit sa bawat gilid na nakaimprenta sa short bond paper na may laking 8 ½ x 11 pulgada.  Ang soft copy ng lahok ay kailangang ilagay sa isang compact disc (CD).
6. Kinakailangang nagtataglay lamang ng sagisag-panulat (pen name) ang dokumento, soft copy man o nakaimprentang kopya.
7. Kasama ng ipapasang lahok ay isang isang selyadong No. 10 envelope na naglalaman ng hiwalay na pormularyo sa paglahok para sa buong detalye ng may-akda, dalawang retrato (2×2) ng kalahok, at maikling biodata.
8. Ipadala ang lahat ng kahingian sa:

Gawad KWF sa Sanaysay 2017
Komisyon sa Wikang Filipino
2F Watson Bldg., 1610 JP Laurel St.,
San Miguel, Manila 1005

9. Anumang pasiya ng Lupon ng Inampalan ay pinal at hindi na maipaghahabol. Lahat ng lahok, nanalo man o  natalo, ay hindi na ibabalik sa mga kalahok at angkin ng KWF ang karapatang mailathala ang mga nagwaging lahok nang walang royalty sa mga may-akda.
10.  Ang gantimpala ay ang sumusunod: una, P30,000.00 at karangalang maging “Mananaysay ng Taon”; pangalawa, P20,000.00; pangatlo, P15,000.00.
11. Hindi patatawarin ang sino mang mahuhuli nagplahiyo. Kakanselahin ng KWF ang ipinagwaging lahok at hindi na muling makasasali pa sa alinmang timpalak ng KWF.
Hanggang 29 Hunyo 2017, 5:00 nh ang pagtanggap ng mga lahok. Hindi tatanggapin ang mga lahok na ipinasa sa email.

Para sa mga tanong, tumawag sa (02) 736- 2524 o 736-2519. Bisitahin rin ang www.kwf.gov.ph para sa karagdagang impormasyon.

Gawad Julian Cruz Balmaseda

Ang Gawad Julian Cruz Balmaseda ay ang pinakamataas na pagkilala na handog ng KWF para sa natatanging tesis at disertasyon sa agham, matematika, agham panlipunan gamit ang wikang Filipino.
Layunin nito na hikayatin at palaganapin, sa pamamagitan ng sistemang mga insentibo, ang mga grant at gawad,  ang pagsusulat at publikasyon-sa Filipino at ibang mga wikang Filipinas-ng mga akdang orihinal, kabilang ang mga teksbuk at sangguniang materyales sa ibat-ibang disiplina.

Mga Tuntunin

1.    Ang gawad ay bukas sa lahat maliban sa mga empleado ng KWF at kanilang mga kaanak.

2.    Ang ilalahok na tesis at/odisertasyon ay naipasa sa mga taong 2015 at 2016.
Kinakailangan itong isulat bilang kahingian sa mga kursong may kaugnayan sa agham, matematika,  agham panlipunan at sa iba pang kaugnay sa larang.

3.    Kailangang nasusulat sa Filipino and lahok, orihinal, hindi pa nailathala at hindi rin salin sa ibang wika.

4.    Marapat na gamitin ang KWF Manwal sa Masinop na Pagsulat (MMP) bilang format sa pagsulat ng tababa, talasanggunian, at iba pa.

5.    Ang lahok ay kailangang isumite nang apat (4) na kopyang makinilyado o kompiyuterisado (hardcopy) at nakalagay sa isang cpmaq disc (CD). May lakip na curriculum vitae, pormularyo sa paglahok, at rekomendasyon mula sa dalawang (2) propesor. Ang apat (4) na hardcopy, CD, curriculum vitae, pormularyo ng paglahok at rekomendasyon ay nakalagay sa expanding brown envelope na may pangalan at adres ng kalahok. Ipadadala ang mga lahok sa:

Lupon sa Gawad Julian Cruz Balmaseda

2/P Gusaling Watson 1610 Kaklye J.P. Laurel
San Miguel, Maynila 1005

Makatatanggap ng halagang PHP100,000 (net) at isang plake ng pagkilala ang magwawagi ng naturang gawad. Lahat ng isinumiteng kopya ng mga lahok, nanalo man o natalo, ay hindi na ibabalik sa mga kalahok  Angkin ng KWF ang unang opsiyon na mailathala ang mga nagwaging lahok nang walang royalti sa may-akda.
Ang huling araw ng pagpapasa ng lahok ay Biyernes, 29 Setyembre 2017.
Para sa karagdagang impormasyon ay maaaring tumawag sa telepono blg. (632) 736-2519, mag-email sa komisyonsawikangfilipino@gmail.com, o bumisita sa kwf.gov.ph.

SALI(N) NA, POE!

SALI(N) NA, POE!

Ang Sali(n) Na, Poe! ay isang timpalak sa pagsasalin sa Filipino ng mahahalagang tekstong pampanitikan na naglalayong hikayatin ang mga kabataan na lumahok sa gawaing pagsasalin. Para sa taóng 2017, ang tekstong isasalin ay ang mga piling tula ni Edgar Allan Poe.

Ito ay bukas sa lahat ng kabataang nása edad 12–17. Ang mga lalahok ay maaaring mag-aaral o out-of-school youth na naninirahan sa Filipinas

1. Ang Sali(n) Na, Poe! ay bukás sa lahat ng kabataang nasa edad 12–17 maliban sa mga kaanak ng mga empleado ng KWF. Ang akdang isasalin ay alinman sa tulang pinili ng KWF na mada-download sa www.kwf.gov.ph. Isang tula lamang ang isasalin.
2. Mulang Ingles tungong Filipino ang gagawing pagsasalin. Ang salin ay kailangang orihinal na likha ng kalahok, at hindi pa nalalathala sa alinmang publikasyon o nagwagi sa alinmang timpalak bago ang 17 Marso 2017. Hindi patatawarin ang sinumang nahuli at napatunayang nagkasala sa pangongopya. Kakanselahin ng KWF ang ipinagwaging lahok nito sa timpalak at hindi na muling makasasali pa sa alinmang timpalak ng KWF.
3. Isa (1) lamang entri ng salin ang maaaring isumite. Ang bawat lahok ay kinakailangang nasa anyong PDF, gagamit ng font na Arial na may laking 12 pt, doble espasyo sa 8 ½” x 11” na bond paper na may palugit na isang (1) pulgada sa itaas at ibaba at sa magkabilang tabi.
4. Ang sumusunod na mga dokumento ay kailangang nakalagay sa isang selyadong long brown envelope: (1) tatlong hard copy ng lahok; (2) isang CD na naglalaman ng digital na kopya ng entri; (3) pormularyo sa paglahok (mada-download sa KWF website o KWF facebook); (4) pormularyo sa pahintulot ng magulang; at (5) sertipikasyon mula sa prinsipal ng paaralan para sa mga mag-aaral o sertipikasyon mula sa punong barangay para sa mga out of school youth. Tanging ang pamagat lamang ng lahok isusulat o ilalagay sa envelope. Ipadadala ang naturang dokumento sa:

Lupon sa Sali(n) Na, Poe!
2F Gusali Watson, 1610 Kalye J. P. Laurel
Malacañang Complex, San Miguel
Lungsod Maynila

                Maari ding ipadala ang mga lahok sa email na KWF na komisyonsawikangfilipino@gmail.com.

5.       Ang mga lahok ay kinakailangang matanggap ng KWF bago o sa 17 Marso 2017, 5nh.

6.       Ang mga magwawagi ay tatanggap ng sumusunod na gantimpalang salapi:

Unang gantimpala: PHP5,000.00
Ikalawang gantimpala: PHP3,500.00
Ikatlong gantimpala: PHP1,500.00

7.       Anumang pasiya ng Lupon ng Inampalan ay pangwakas at hindi na mababago. Ang lahat ng lahok, nanalo man o natalo, ay hindi na ibabalik sa mga kalahok at angkin ng KWF at ng ka-tagapagtaguyod nitó ang unang opsiyon na mailathala ang mga nagwaging lahok nang walang royalti sa may-akda.

8.       Para sa mga tanong, sumulat sa komisyonsawikangfilipino@gmail.como komfil@kwf.gov.ph o tumawag sa (02) 736-2519. Maaaring bisitahin rin ang kwf.gov.ph para sa karagdagang impormasyon.

Talaang Ginto: Makata ng Taon 2017

Ang TALAANG GINTO: MAKATA NG TAON ay timpalak sa pagsulat ng tula na itinataguyod ng Komisyon sa Wikang Filipino kaugnay ng pagdiriwang ng Araw ni Balagtas tuwing Ika-2 ng Abril taon-taon.

Nilalayon ng timpalak na lalo pang pasiglahin at pataasin ang uri ng panulaang Filipino sa pamamagitan ng pagkilala sa mga batikan at baguhang talino.

Mga Tuntunin:

1. Bukás ang timpalak sa lahat, maliban sa mga kawani ng KWF at kanilang kaanak.
2. Ang entring ipapasa ay maaaring isang mahabang tula na may isang daan (100) o higit pang taludtod, o isang koleksiyon ng sampu (10) o higit pang maikling tula. Kinakailangang may pamagat ang ipapásang koleksiyon. Malaya ang paksa ngunit kailangang tumatalakay sa isang mahalagang paksaing panlipunan sa kasalukuyan. Ang ipapásang mahabang tula o maiikling tula ay may tugma at sukat. Hindi bababa sa antas tudlikan ang tugmaan.
3. Ang lahok ay kailangang orihinal at nasusulat sa Filipino, hindi salin ng nalathala nang tula, at hindi pa nalalathala sa alinmang publikasyon. Hindi patatawarin ang sino mang mahuli at mapatunayang nagkasala ng pangongopya. Kakanselahin ng KWF ang ipinagwaging lahok nito sa timpalak at hindi na muling makasasali pa sa alinmang timpalak ng KWF.
4. Apat (4) na kopyang makinilyado o kompiyuterisado, gagamit ng font na Arial 12pt, doble espasyo sa 8 ½” x 11” na bond paper na may palugit na isang (1) pulgada sa itaas at ibaba at sa magkabilang tabi. Kinakailangang notaryado ang ilalahok bílang katunayan na orihinal ito. Kinakailangang magtataglay lámang ng sagisag-panulat (pen name) at walang kahit anong pahiwatig ng tunay na pangalan ng kalahok. Ang tulang ipapása ay ilalagay rin sa isang CD. Ilalakip ang mga kopya ng tula, kasama ang CD, sa isang brown envelope.
5. May hiwalay na pormularyo sa paglahok na mada-download sa www.kwf.gov.ph. Lalakipan ng 2 x 2 retrato ang Talaang Ginto pormularyo sa paglahok. Ilalagay sa hiwalay na selyadong sobre ang pormularyo kasama ang biodata ng makata. Isasama ang selyadong sobreng ito sa brown envelope na ipapása. Hindi tatanggapin ang lahok na ipadadala sa pamamagitan ng email.
6. Ang mga gantimpala ay ang sumusunod:
Unang gantimpala PHP30,000 + titulong “Makata ng Taon 2017”
Ikalawang gantimpala PHP20,000.00
Ikatlong gantimpala PHP15,000.00.
Lahat ng lalahok ay tatanggap ng Katunayan ng Paglahok.
7. Ang lahok ay maaaring dalhin nang personal o ipadala sa koreo sa:

Lupon sa Talaang Ginto 2017
Komisyon sa Wikang Filipino
2/F Watson Bldg., 1610 J.P. Laurel St.
San Miguel, Manila

8. Ang hulíng araw ng pagsusumite ng lahok ay sa 27 PEBRERO 2017. Hanggang 5 nh ang oras ng pagpapasa. Hindi na mauurong ang araw ng pagsusumite. Tatanggapin ng KWF ang mga lahok na naka-postmark ng 27 Pebrero 2017.
9. Ang pasiya ng inampalan ay pinal at hindi na mababago. Lahat ng lahok, nanalo man o natalo, ay hindi na ibabalik sa mga kalahok at magiging pag-aari ng KWF ang karapatang mailathala ang mga nagwaging lahok nang walang royalti sa mga makata.
10. Para sa karagdagang detalye tumawag sa telepono blg. (632) 736-2519 o bumisita

BANTAYOG-WIKA

BANTAYOG-WIKA

Timpalak sa Disenyo

Deskripsiyon

Ang Bantayog-Wika ay isang pagdadambana sa isang di-materyal na pamanang pangkultura (intangible cultural heritage) ng bansa dahil sa mahalaga nitong papel sa pagbuo at pagpapatibay ng pambansang identidad.  Hindi lamang ito sumasalamin sa yaman ng mga wika kundi kakikitahan din ng mga kaalamang pangkultura ng pamayanang kinapapalooban nila.  Sa ganitong paraan, lalalim ang tangkilik at pagpapahalaga ng mga Filipino sa yamang nakapaloob sa kanilang mga katutubong wika. 

Mula ang salitang bantayog sa pinagsámang bantay at matayog, na nangangahulugan sa mataas na estrukturang itinayô bilang parangal sa isang makabuluhang tao o pangyayari. Mayroong higit 100 wika ang iba’t ibang pangkating etnolingguwistiko bukod sa wikang pambansa, ang Filipino, at may walong pangunahing wika (Bikol, Ilokano, Hiligaynon, Kapampangan, Pangasinan, Sebwano, Mëranaw, at Warray). Nilalayon ng Bantayog-Wika na makalikha sa hinaharap ng mga monumento para sa lahat ng mga katutubong wika ng Filipinas. Bawat bantayog ay katatagpuan ng mga katutubong katangian ng sinasagisag na kultura.

Mga Tuntunin

1.      Kalahok

1.1.   Maaaring sumali sa timpalak ang lahat ng mamamayang Filipino, maliban sa mga empleado ng KWF at kanilang mga kaanak

1.2.   Ang bawat kalahok ay maaaring magpasa ng isang lahok lamang.

1.3.   Ang ipinásang lahok ay kinakailangang malaya mula sa karapatan ng ikatlong partido. Ang KWF ay labas sa anumang uri ng pananagutan sa kaso ng litigasyon o pagtatalo na maaaring malikha ng pagsuway sa kontratang ito.

1.4.   Ang disenyador ng mapipiling disenyo ay tatanggap ng halagang PHP80,000.00 na babawasan ng kaukulang buwis.

2.      Lokasyon

2.1.   Ang magwawaging likha ay itatanghal sa mga tukoy na lugar sa iba’t ibang bahagi ng bansa, na mayroong pag-aproba ng KWF at ng pamahalaang lokal sa lugar na pagtatayuan.

3.      Kahingian sa Disenyo

3.1.   Ang lahok ay dapat orihinal at hindi pa naililimbag, hindi pa napili o ginawaran ng anumang premyo sa mga timpalak, at hindi reproduksiyon ng ibang gawa na nailabas na o ginagawa pa lámang.

3.2.   Ang disenyo ay may pangkalahatang motiff  na pangwika (gamit ang baybaying W) na maaaring lapatan ng katutubong disenyo ng kultura ng wika.

3.3.   Ang disenyo ay kailangang isaalang-alang ang sumusunod na kahingian:

3.3.1.      May taas na anim na talampakan (6 ft) o higit pa ang bantayog

3.3.2.      May espasyo para sa deskripsiyon ng wika, panitikan, kasaysayan, o katulad ng lugar, na maaaring hitsurang mesa o lectern.

3.3.3.      Ang materyales na maaaring gamitin sa bantayog ay kailangang tumatagal nang mahabang panahon gaya ng marmol, bakal, o katulad.

4.      Pagsusumite ng Lahok

4.1.   Ang mga lahok na ipapása ay kailangang iprisenta sa anyong modelo o nasa prototype scale. Ang modelo o protype ay dapat gawa sa matibay na materyales na pinili ng manlilikha upang maitanghal ito sa publiko. Ang súkat ay hindi lalagpas sa 60 sm (23.62 pulgada) at di kukulangin sa 15 sm. (5.91 pulgada), sa lahat ng dimensiyon nito.

4.2.   Kasama ng modelo ang paliwanag hinggil sa mga elemento, teknikal na aspekto, at iba pa upang mas maintindihan ang kabuuang kahulugan ng gawa.

4.3.   Ang paliwanag ay isusumite sa anyong PDF na nasa CD/DCD at maaaring lakipan ng mga reproduksiyong online, retrato (JPG), dibuho (na nasa PDF o A4).

5.      Dokumentasyon

5.1.   Maaaring kumuha ng pormularyo ng paglahok sa kwf.gov.ph. Ang lahat ng mga pisikal na lahok ay kailangang isumite sa KWF.

5.2.   Kailangang isama sa ipapasang lahok ang buong pangalan ng manlilikha kasama ang pamagat ng timpalak na Bantayog ng Wika.

5.3.   Ang sumusunod ay dapat ipása: Kompletong Pormularyo ng Paglahok kalakip ang mga tuntunin ng timpalak, kasama ang naka-zipfile na kopya ng ID o passport, resumé na nasa A4, limang (5) retrato na naka-PDF o JPG ng mga naunang nagawang eskultura, at dokumentasyon na nakasaad sa numero 4.2 hinggil sa mungkahing proyekto, modelo at paliwanag.

5.4.   Kung magkakaroon ng problema sa pagpapadala ng file, maaari itong ipadala sa: komisyonsawikangfilipino@gmail.com

5.5.   Ang aktuwal na proyekto (modelo ng eskultura) ay ipadadala sa:

Lupon sa Bantayog ng Wika

Komisyon sa Wikang Filipino

Gusaling Watson, 1610 Kalye J. P. Laurel

Malacañang Complex, San Miguel,

Lungsod Maynila

5.6.   Sasagutin ng bawat kalahok ang gastos sa paglahok. Hindi responsable ang KWF sa anumang sira o pagkawala na maaaring maidulot sa pagpapadala nito.

6.      Pagtanggap ng Lahok

6.1.   Ang huling araw ng pagsusumite ng lahok ay sa 28 PEBRERO 2017

6.2.   Ang mga napiling lahok ay magiging pag-aari ng KWF, at isinesuguro ang indibidwal na karapatan ng manlilikha at ang kaniyang gawa sa ilalim ng batas.

6.3.   Ang mga di-napiling lahok ay maaaring makuha ng mga manlilikha o awtorisadong kinatawan sa loob ng tatlumpung (30) araw sa tanggapan ng KWF matapos ang pag-anunsiyo ng pasiya ng Lupon ng Inampalan

7.      Ang KWF ay may karapatang ipalaganap ang publikasyon at eksibisyon ng lahat ng mga lahok. Mayroon din itong karapatan sa reproduksiyon upang tuluyang maipakalat ang timpalak sa pinakamahusay na paraan.

Bantayog-Wika: Isang materyal na sagisag para isang di-materyal na pamanang pangkultura

Bantayog-Wika: Isang materyal na sagisag para isang di-materyal na pamanang pangkultura

Inilunsad ng Komisyon sa Wikang Filipino (KWF) at ni Senador Loren Legarda ang Bantayog-Wika, isang proyektong naglalayong isamonumento ang mga katutubong wika ng Filipinas sa pamamagitan ng mga pisikal na estrukturang sasagisag sa halaga ng mga wikang katutubo bílang baul ng yaman ng katutubong kaalaman, halagahan, gawi, tradisyon, at kasaysayan ng mga Filipino. Isa itong natatanging gawain upang isakongreto ang isang di-materyal na pamanang pangkultura (intangible cultural heritage).

Mula ang salitang bantayog sa pinagsámang bantay at matayog, na nangangahulugan sa mataas na estrukturang itinayô bilang parangal sa isang makabuluhang tao o pangyayari. Mayroong higit 100 wika ang iba’t ibang pangkating etnolingguwistiko bukod sa wikang pambansa, ang Filipino, at may walong pangunahing wika (Bikol, Ilokano, Hiligaynon, Kapampangan, Pangasinan, Sebwano, Mëranaw, at Warray). Nilalayon ng Bantayog-Wika na makalikha sa hinaharap ng mga monumento para sa lahat ng mga katutubong wika ng Filipinas. Bawat bantayog ay katatagpuan ng mga katutubong katangian ng sinasagisag na kultura.

Para sa kabuoang disenyo ng Bantayog-Wika, magbubukás ng isang timpalak para sa lahat ng mga Filipino, maliban sa mga kawani ng KWF at kanilang kaanak. Kinakailangang orihinal ang lahok, at maglalaman ng mga katangiang katutubo. Mayroong nakalaang PHP80,000.00 para sa magwawaging entry.

Isa ang Bantayog-Wika sa maraming proyektong inilinya ng KWF sa 2017  bilang bahagi ng pagtupad nito sa kaniyang mandato tungo sa pagpapaunlad, pagtataguyod, at preserbasyon ng mga wika ng Filipinas.

Para sa mga detalye, kontakin si John Torralba ng Sangay ng Edukasyon at Network sa 736-2519, o magpadala ng email sa komisyonsawikangfilipino@gmail.com

Panawagan para sa Koordineytor sa proyektong Bantayog-Wika ng KWF

Panawagan para sa Koordineytor sa proyektong Bantayog-Wika ng KWF

Inaanyayahan ang mga interesadong indibidwal na magsumite ng aplikasyon bilang koordineytor sa monumental na proyektong Bantayog-Wika ng Komisyon sa Wikang Filipino, ang natatanging ahensiyang pangwika ng pamahalaan.

Isang proyekto ang bantayog na magsasamonumento ng mga katutubong wika ng Filipinas sa pamamagitan ng mga pisikal na estrukturang sasagisag sa halaga ng mga wikang katutubo bílang baul ng yaman ng katutubong kaalaman, halagahan, gawi, tradisyon, at kasaysayan ng mga Filipino. Isa itong natatanging gawain upang isakongreto ang isang di-materyal na pamanang pangkultura (intangible cultural heritage).

Tatagal nang tatlong taon ang pagtatatag ng mga Bantayog-Wika. Sa inisyal nitong implementasyon ngayong 2017, malaking bahagi ng proyekto ang ilalaan sa timpalak at koordinasyon sa Kagawaran ng Interyor at Lokal na Pamamahala (DILG) at mga lokal na yunit ng pamahalaan para sa pagtatatag at pagpapasinaya ng mga Bantayog-Wika.

Pangunahin sa gagawin ng tagapag-ugnay ang pagpaplano at pagsusuri ng gawain, pakikipag-ugnay sa mga ahensiya at lokal na yunit ng pamahalaan, pagsubaybay sa lagay, at pagtiyak sa mahusay na implementasyon ng mga ipatatayông Bantayog-Wika.

Maaaring magpasa ng liham ng aplikasyon at CV sa komisyonsawikangfilipino@gmail.com, o tumawag sa 736-2519 para sa karagdagang detalye. Tatanggap ang KWF ng mga aplikasyon hanggang 17 Pebrero 2017.