Guro ka, Ipagmalaki mo!

Guro ka, Ipagmalaki mo!

Salamat mahal kong guro

Salamat sa lahat ng aking mga naging guro.

Inspirasyon ni: Lawrence Tomampo

Inspirasyon
ni: Lawrence Tomampo

Pinagtagpo ng tadhana sa hindi inaasahang pagkakataon
Imposible sa paningin ng iilan
Dahil pag-ibig ay bigla nalang umusbong
Parang isang bulaklak na humalimuyak sa umaga

Ang puso'y sadyang hindi madidiktahan ng sino man
Tunay ngang pag-ibig ay makapangyarihan
Ni hindi puwersado, at walang agam-agam
Kusang dumarating sa isang taong uhaw sa pagmamahal

Natuto sa isang pagkakamali,
Natutong gawin ang tama
Minsan nang nawarak ang isang pusong ligaw
Matapos yaon nagbago ang pagtingin sa mundo

Inspirado, hindi mababago
Hangga't ang sandigan ay matatag
Garantisado, malinaw pa sa sikat ng haring araw
Na ang pag-ibig ay isang inspirasyon

Jejemon ni: Celina Cruz

Jejemon
ni: Celina Cruz

Sino nga ba sila? Anong uri ng tao sila? Anong pakinabang nila sa buhay? Paano itong nagsimula? Isa-isahin nating sagutin ang mga katanungang bumabagabag sa ating kaisipan.

Sino nga ba ang Jejemon? Sila yung mga taong pinapahirapan ang sarili sa pagtetext dahil sa pinapahaba pa at pinapalitan ang letra ng mga salitang ginagamit nila. Bilang isang halimbawa ang salitang “ikaw lang sapat na” na kung saan ay pahahabain nila ito at gagawing “iCk4w Lhü4rN sZaph4t Nu@h”. Ang haba na nga ang hirap pang intindihin. Pahirap diba? Anong uri ng tao sila? Base sa aking pagpapaliwanag sila nga yung mga taong nagpapahirap sa sarili nila. Imbis na simpleng letra lang ang gagamitin ay hahaluan pa nila ng numero at simbolo. Sila yung mga taong gumagamit ng mga palayaw na “bhoXz”o Boss at “MhixZ” o Miss. Anong pakinabang nila sa buhay? Sa totoo lang, karamihan ng “jejemon” ay mga kabataan. Anong pakinabang nila? Simple lang. Wala! Dahil karamihan sa kanila ay mga kabataang hindi nag-aaral o out of school youth. Paano sila nagsimula? Nagsimula ang “jejemon” sa text na kung saan ay common sa ating mga tao. Hanggang sa nagkalat na ito ay sumikat noong 2010. Nakakatawang isipin na 2016 na ay may “jejemon” pa din. Mayroon na ding bagong tawag sa mga “jejemon” ngayon. Sila naman ang mga “pa-cool kiddo” o mga kabataang sunod sa uso. Pero kahit ano pa man sila, hindi natin maipagkakaila na nakakapaghatid sila sa atin ng saya. Sila ang mga “jejemon ng bulayf mo”.

"Sariling Wika" ni: Lawrence Rovira Tomampo

"Sariling Wika"
ni: Lawrence Rovira Tomampo

Ganun na lamang ba kay-hirap mahalin
Ang sariling wika, ba't hindi sambitin?
Tila kinakahiya ang sariling pagkakakilanlan
Ikaw ba'y nararapat sa iyong kasarinlan?

Ano ba ang mahirap sa pagsasalita nito?
Ikaw ba'y turista, banyaga o dayo?
Ito ang kinamulatan mo, paalala ko sa'yo
Kaya sana naman, isapuso mo ito!

Walang masama sa pag-aaral ng iba pang wika
Ngunit sana mahalin mo kung ano ang nauna
Huwag kang maging dayuhan sa sarili mong bayan,
Ang Wikang Filipino ay iyong kayamanan

Buhayin, pagyabungin ang wika natin
Mga tagapagtanggol nito, ito ang dalangin
Na sana hindi mo itakwil at talikuran
Wikang Filipino na kanilang pinaglaban

AKO ni: Celina Cruz

AKO
ni: Celina Cruz

Nasaan na nga ba ako?
Yung ako na hindi marunong sumuko
Ako na laging masaya
Ako na punong-puno ng ligaya

Saan na nga ba ako nagpunta?
Sarili ko'y hindi ko na makita
Nakulong na sa depresyon
Nawawala na ang atensyon

Nasaan na nga ba ako?
Yung matapang na ako
Yung ako na hindi marunong matakot
Ako na hindi nalulungkot

Gusto ko ng bumalik sa dati
Pakiramdam ko ako'y laging may kahati
Gusto ko ng ibalik ang mga ngiti sa'king mga mata
Mga matang napuno na ng luha

Salamin ng Buhay ni: Ana Katrina Labrador

Salamin ng Buhay
ni: Ana Katrina Labrador

Sa aming lugar,
Dukha kung maituturing;
Gula-gulanit na mukha,
Ang tatambad sa akin.

Mga batang nakakalat,
Sa lansangang madumi,
Mukha'y itim na naman,
Kalakal ang kabuhayan.

Pinagtagpi-tagping tirahan;
Kariton o kawayan,
Minsa'y tabing ilog,
O sa kalye natutulog.

Pinggan na walang laman,
Asin at kanin lamang,
Sapat pantawid gutom,
Sa tiyang kumakalam..

Piso'y malaking halaga,
Sa bulsang tastas na,
May pambili ng chichirya,
Sa tindahan ni Nena.

Kalye Mahirap,
Ang iyong itawag,
dito sa lugar naming,
Walang ginhawa.

Buong pagkatao'y,
Tunay na mahirap,
Kahit ano pang tadtad,
Walang bakas ng pag-unlad,

Ako'y napaluha,
Sa buhay na walang kulay,
Ako'y nanlumo,
Sa salamin ng aking buhay.

Pango ni Kharryza Puerto Pabalan

Pango

ni  Kharryza Puerto Pabalan

Akala ko naman ito’y totoo na
Na kaibigan kita hanggang pagtanda
Pero tulad ka din naman pala nila
Puro pangako, 'di naman ginagawa

Hindi ba sabi mo walang magbabago?
Hindi ba sabi mo habangbuhay tayo?
Anong nangyari sa mga pangako mo?
Hindi na natupad, bigla kang naglaho

Dahil ba nakahanap ka na ng iba?
Kaya ating usapan, iyong binura?
Kinalimutan lahat ng aala-ala
Itinapon nalang ng parang basura

Pakiramdam ko ay napakamalas ko
Ang mga kaibigan, iniiwan ako
Lagi naman akong and’yan para sa’yo
Ngunit bakit kinalimutan mo ako?

Bakit ba parang andali mo mang-iwan?
Dahil ba hindi naman ako kawalan?
Andami dami mo kasing kaibigan
‘di ka mawawalan ng pagpipilian

Alam ko namang di mo mababasa ‘to
Pero ang nais ko lang ay malaman mo
Wala nang mas sasakit sa pang iiwan
Ng pinakamatalik mong kaibigan.

Dilim Ni: Melanie Pahuwayan Llovido

Dilim
Ni: Melanie Pahuwayan Llovido

O gabing madilim,
Katahimikan mo'y nakabibingi
Mga tunog lang ng kuliglig
Ang maaari kong madinig.

Tao'y higit na nakakatakot
Kaysa sa multong nananakot.
Kaya't mag-ingat 'pag naglalakad,
Sa kalyeng madilim na iyong dadaanan.

Subukan mong tumingala
Makakakita ka ng ganda
Ang kalangitang likha ng May Kapal
Na gagabay sa iyong dinaraanan.

Ang buwang bilog na bilog
Sa ating planeta'y umiinog
Nagpapakita sa oras ng kadiliman
Upang bigyan ng liwanag ang kapaligiran.

Kasama nito ang mga bituin
Sa kalangita'y nagniningning
Ito'y parang diyamanteng kumikinang
Hangad ng bawat tao sa kalupaan.

Huwag mong katakutan ang dilim
Ang ibang tao'y ito ang nais
Pagka't dilim din ay may liwanag,
Nagbibigay ng pag-asa sa kahit sinuman.

Sabi nila Ni: Franz Louise Docot

Sabi nila 'pag naka-apak ka ng tae, ay susuwertihin ka
Pero kapag sinadya mo, ay mamalasin ka
Mamalasin ka talaga kung gano'n ang ginawa mo
Sino ba namang may gustong maglakad na may tae sa paa mo

Sabi nila 'pag nangangati ang palad mo ay magkakapera ka
Pero kapag sinadya mo ay masusugatan ka
Kamutin mo ba naman ang palad mo para lang magkapera ka
Pinapakita mo lang na ikaw ay mukhang pera

Pag nagkakuliti ka raw ay ibig sabihin ay namboso ka
Pero kung 'di ka naman namboso at nagkakuliti ka
Aba'y iligo mo na yan
Kadugyutan na ang tawag d'yan

Sabi nila pag tumingin ka sa kanya at tumingin rin siya sayo,
Ibig sabihin nun ay tumitingin rin siya sa iyo
Pero paminsan minsan 'wag mo ring pangunahan ang mga nangyayari sa paligid mo
Kase malay mo, kaya siya tumitingin kase naiirita na siya sa'yo

Sabi nila, kung mahal mo, ipagtapat mo sakanya.
Pero hindi naman ganun kadali yun e, kase may mahal siyang iba
Para saan pa ang pag-amin ko, para saan pa ang pag-ibig ko
Kung alam ko naman sa sarili ko na nararamdaman niya'y di na magbabago

Tsinelas Ni: Camille S. Bustamante

Tsinelas
Ni: Camille S. Bustamante

Proteksyon sa paglakad
Kahit sana nakakaladkad
Sa bagay na ito marami kang maaalala
Kabataan mong sobrang saya

Pagandahan ng tsinelas noong ako ay bata
Ginagamit lang naman sa pagbato ng lata
Kapag tatakbo ay sinusuot sa iyong palad
Para maiwasang mapudpod at ilalim ay matadtad

Sumisimbolo sa iyong masayang pagtanda
Gustong gusto kong ito'y naaalala
Sana maulit muli ang saya
Kasama ang akig nga kaibigan sa gitna ng kalsada

Sana maranasan parin ito ng mga bata
At hindi lang nakatutok sa larong pangteknolohiya
Sa sayang naidulot nito sa bawat isa
Walang kahit anong papantay na modernong teknolohiya.

Unan Ni: Camille S. Bustamante

Unan
Ni: Camille S. Bustamante

Ang akin unan
Marami na kameng pinagdaanan
Kahit na aking nalalawayan
Hindi ako nito iniwan

Hinahagis ko man kung saan
Madalas ko ring dinadaganan
Hindi niya ako sinukuan
At hindi ako nito nilisan

Bawat luha at kilig ay nasaksihan
Ng aking tapat at malambotnna unan
Bawat dasal at kasalanan sa Maykapal
Narinig nito at dito ko lang naikumpisal

Kung inaakala ninyo na akoy hangal
Na nabighani sa unan kong ubod ng kapal
Mahal ko ito at laging hanap
Lalo na kapag ako ay humihikab at bumababa ang talukap

Bilbil Ni: Camille S. Bustamante

Bilbil
Ni: Camille S. Bustamante

Sa pagkain ng marami
Ako ay nawili
Bilbil ko ay lumitaw
Mundo ko ay nagunaw

Nakatutuwa mang pisilin
Masakit kung itoy iyong iisipin
Bakit ba kailngan kong pigilin
Ang aking hilig na pagkain

Hindi ako masaya
Kapag itoy kanilang nakikita
Pakiramdam ko akoy isang balyena
Na napadpad sa lupa

Ngunit wag niyo akong pintasan
Dahil ss bilbil ko sa akin tiyan
Hindi man ito kanais nais tignan
Patunay naman ito na kame ay sagana sa aming tahanan

BUHOK Ni: Camille S. Bustamante

BUHOK
Ni: Camille S. Bustamante

Maraming uri ang buhok ng tao
Kulot, tuwid at iba pang estilo
May pinapatayo para mukhang rakista
May nakabagsak para daw mukhang artista

Sabe ng iba
Kapag ikaw daw ay maraming problema
Malaki daw ang tiyansa na makakalbo ka
Para sa akin hindi ba pwedeng ito ay nasa lahi na

Maraming kanya kanyang porm
Na nagpapakita ng sarili mong sistema
Maipapakita rin nito ang iyong personalidad
Ganun si ang iyong ugali at kalidad

Nagagamit ito bilang pamporma
May maiiksi nito at mahahaba
Ang emosyon ng tao dito minsan nakikita
Pati ang kaayusan at kaguluhan ng taong ito ay pwede mong makita.

HANGIN Ni: Camille S. Bustamante

HANGIN
Ni: Camille S. Bustamante

ito ay nararamdaman natin
Hindi nakikita pero nasa paligid natin
Importanteng bagay sa mundo
Kailangan upang mabuhay ang lahat hindi lamang tao

dahil sa usok na dulot sa natin
Hindi na ligtas ang nalalanghap na hangin
Sa sobrang dumi na ng bayan natin
Dumadami narin ang mga sakitin

Hindi ito maipagkakait ninuman sa atin
Libre ito wag sana nating abusuhin
Dito nakasalalay ang kalusugan natin
Sa issang saglit na wala ito ay maaaring ikamatay natin

Buti pa ang hangin nadarama natin
Kahit na inaabuso at di pinapansin
Mas mamahalin mo ba ang kasintahan mong walang pakiramdam?
Kqysa sa hangin na bukod sa mahalaga ay lage mong ramdam

Tukso ni Francis Rafael M. Rosales

Tukso
ni Francis Rafael M. Rosales

Tukso, oh tukso
Sa tuwing nakikita kita
Ako ay lumalayo
Di ko kaya ang iyong lakas

Tukso, oh tukso
Madalas kitang maramdaman
Sa umaga hanggang gabi
Hindi kita maiwasan oh, tukso

Tukso, oh tukso
Kay hirap mong layuan
Pakiusap, layuan mo ako
Tukso, oh tukso hindi ko kaya

Tukso, oh tukso
Hindi ko kaya
Ang iyong lakas
Pilit ko man tanggihan

Tukso, oh tukso
Pilit ko man tanggihan
Ayaw parin ako lubayan
Paano kita mapapalayo oh, tukso

Utak ni Francis Rafael M. Rosales

Utak
ni Francis Rafael M. Rosales

Utak kong mahusay
Bigyan mo ako ng lakas
Upang matapos ito
Kailangan kita oh, utak ko

Utak, oh utak pakiuasap
Tulungan mo ako magi sip
Bigyan mo ako ng onting talino
Pagkat ako ay nagkukulang

Aking utak na mahusay
Bigyan mo ako ng kahusayan
Para matapos itong gawain
Utak ko, oh utak ko

Utak ko, ako ay nangangailangan
Pagkat ako ay napigang lubusan
Nakikiusap ako, oh aking utak
Biyayaan mo ako ng talino

Utak ko, oh utak ko
Sobrang saya ko sa iyo
Dahil sa iyo, ako ay humusay
Humusay, ngunit walang talino

Mga parte ni Francis Rafael M. Rosales

Mga parte
ni Francis Rafael M. Rosales

Ako may sampung daliri
Kaliwang kamay at kanan
Mayroon din sa paa
Kaliwa rin at kanan

Ako ay may tainga
Kaliwang bahagi at kanan
Ako ay nakakarinig gamit ito
Salamat tainga sa iyong pakikinig

Ako ay may dila na kay lambot
Maliit man ito sa iyong paningin
Makamandag naman ang salita
Salamat dila sa pakikipagusap

Ako ay may mga mata
Mayroon sa kaliwa at sa kanan
Marami ako nakikita gamit ito
Salamat aking mga mata

Ako ay may ilong na nag iisa
Mayroon siyang dalawang butas
Marami I akong maamoy dahil sakanya
Salamat sa pang aamoy aking ilong

Aking bunsong kapatid ni Francis Rafael M. Rosales

Aking bunsong kapatid
ni Francis Rafael M. Rosales

Aking bunsong kapatid
Kahit makulit ka paminsan
Ako ay natutuwa parin
Salamat sa iyong kakulitan

Aking bunsong kapatid
Patawad kung minsan galit
Dahil ito sa aking kapaguran
Salamat sa iyong pagintindi

Aking bunsong kapatid
Salamat sa iyong suporta
Ipinagmamalaki kita sakanila
Ikaw ang nagpapasaya sa amin

Aking bunsong kapatid
Malayo man ako paminsan
Ay susuportahan parin kita
Salamat sa iyong pag aalala

Aking bunsong kapatid
Mahalaga ka sa parte ng pamilya
Ikaw ang nagpapasaya sa amin
Salamat aking bunsong kapatid

Aking nakatatandang kapatid ni Francis Rafael M. Rosales

Aking nakatatandang kapatid 

ni Francis Rafael M. Rosales

Aking nakatatandang kapatid
Patawad sa aking pagkapasaway
Alam kong pagod ka sa iyong trabaho
Salamat sa pag aaruga sa amin

Aking nakatatandang kapatid
Salamat sa iyong suporta
Malaki ang naitutulong nito
Wag ka na mag alala aking kapatid

Aking nakatatandang kapatid
Salamat sa pagmamalaki mo sa akin
Ipinagmamalaki rin kita bilang kapatid
Masaya ako at ikaw ang aking kapatid

Aking nakatatandang kapatid
Malayo ka man sa aming tabi
Lagi ka naman nakasuporta
Salamat sa iyong pag aalala

Aking nakatatandang kapatid
Salamat sa iyong mga nagawa
Dahil sa iyo ako ay nakapag aral
Malaki ang aming pasasalamat

Aking mahal ni Francis Rafael M. Rosales

Aking mahal
ni Francis Rafael M. Rosales

Noong unang beses
Na masilayan ang iyong kagandahan
Na parang merong tumulak
At hindi nag alinlangan sa akin

Na pasukin ang tadhana
Na tayo ay hindi nagtagpo
Ngunit hindi magagawa sa’yo
Na paglaruan ang pag-ibig mo

At hindi papasok sa aking isipan
Na lahat ay gagawin para sa iyo
Upang iyong mahalin sinta
Ang isang tulad kong umaasa

Ang mawala ka sa piling
Ay hindi ko tatanggapin
Galangin ang may kapal
Sana ay ikaw na nga
Ang makasama ko sa buhay

Upang iyong madama
Pagmamahal ko sinta
At pinapangako sa iyo
Na hindi ka na luluha